Dempús der isolament forçós provocat pera COVID-19, fòrça enterpreses implementèren eth trabalh a distància en tot verificar coma aguesta modalitat professionau ère possibla mejançant era digitalizacion des procèssi. Aguesta naua realitat a hèt possible desvolopar multiples oportunitats laboraus enes zònes ruraus que enquiara sonque se podien realizar ena ciutat, en tot facilitar er aument dera poblacion en aguesti entorns e en tot activar era economia digitau deth territòri.

Era vida rurau a demostrat que melhore notablament era qualitat de vida e, ei per açò que, cada viatge mès professionaus digitaus decidissen cambiar eth sòn larèr e entorn de trabalh luenh des ciutats. En programa Catalunya Rural Hub auem coma objectiu que 10 persones damb intencion d’installar-se en un territòri de montanha poguen hèr ua pròve pilòt en Vielha (Val d’Aran) de 15 dies en tot descorbir es facilitats de trabalh en remòt en un coworking damb bones installacions e connectivitat. En tot compartir espaci damb d’auti professionaus que ja hèn part d’aguest lòc de trabalh, coneishent eth nòste sistèma integrau pionèr damb es serveis sanitaris e sociaus unificadi, visites a enterpreses importantes e innovadores, somat a un programa d’aventures ludiques-esportiues e culturaus, e a un Congrès de ciberseguretat.