Author: jlafuente

HèPic participèc a principis de hereuèr enes prumères jornades Hilat de Centres d’Innovacion Territoriau en municipi asturian de Pola de Somiedo. Aguest eveniment, organizat peth Ministèri entara Transicion Ecologica e eth Rèpte Demografic, amassèc a entitats publiques e privades de diferentes províncies entà méter en comun es estratègies, objectius e solucions innovadores qu’a cada territòri.

Ena exposicion amiada a tèrme peth responsable de HèPic, qu’ei important per èster eth prumèr Centre d’Innovacion Territoriau, se remerquèc eth metòde innovador e participatiu que produsic eth madeish centre. Aguest eveniment permetec intercambiar experiéncies ruraus e assolidèc es relacions inter e intra territoriaus d’aguesti centres.

Es Centres d’Innovacion Territoriau son eth nau modèl entà promòir un desvolopament sostenible e sociauments responsable des territòris e, ath madeish temps, servís tà trincar damb era inèrcia de desbrembe qu’an patit aguesti lòcs.

Ath long d’aguest eveniment gessec un concèpte comun en totes es convèrses: eth dera innovacion. Poder diversificar eth modèl economic e revalorar eth pròpi contèxte de cada territòri s’artenh gràcies ara innovacion, a naues solucions que nèishen enes pòbles. Tà atrèir aguesta metodologia, es CIT son ua palanca entàs administracions, es empreses, es organizacions e es persones. Aquiu, toti es agents son benvengudi.

Ath delà, se remerquèc qu’era innovacion non ei tecnologia e pro, tanben ei potenciar eth capitau uman pròpri de toti e cada un des pòbles. Per açò madeish, innovar permet potenciar, restacar e atrèir eth talent de persones damb idees naues e un compromís fòrt damb eth mèdi ambient e era societat.

En darrèr lòc, en aguestes jornades HèPic collaborèc reïterant eth sòn compromís damb toti e totes es persones e Centres d’Innovacion Territoriau mejançant era Declaracion de Somiedo entara Innovacion Territoriau en Mèdi Rurau, qu’ei un decalòg de proposicions qu’aspiren a convertir-se en principi d’accion d’aguestes palanques innovadores der entorn rurau.

Coworking, digitalizacion, online, hilats sociaus, pagina web. Cada dia entenem aguestes paraules e fòrça d’autes que se referissen ath madeish tèma: utilizar naui instruments e tecnologia entà desvolopar eth nòste trabalh.

Ja sabes qué ei era digitalizacion. Se definís coma eth procès peth quau se preten informatizar eth trabalh mejançant programes que siguen interconnectats. Tanben ne coneishes es avantatges: redusís eth trabalh a prètzhèts d’analisi de dades, permet segmentar as usatgèrs e as usatgères qu’empleguen es tòns servicis, optimizar es procèssi e permet espandir eth radi d’accion des tòns servicis.

Atau madeish, sabes qu’era digitalizacion ei de mòda. Des des administracions publiques s’aufrissen servicis d’assessorament e ajudes as persones emprenedores e empreses entà innovar.

Per tot aquerò, era digitalizacion ei un hèt, a arribat entà installar-se e cambiar era manèra de pensar era emprenedoria. Mès, ei normau qu’ages dobtes. Se pòden digitalizar toti es sectors economics? Era tua empresa se pòt digitalizar?

NIVÈU DE DIGITALIZACION

Eth nivèu o grad de digitalizacion se pòt mesurar en foncion de diferenti objectius. Com toti es instruments de mesura, tot depen de com se prepausen es objectius. Ei a díder, se s’avalore qu’era digitalizacion apropiada ei aquera a on es vòstes empreses compden damb hilats sociaus actius, es instruments de mesura sajaràn de representar aguesta caracteristica. Mès, alavetz, d’autes agéncies o instituciones voleràn arténher coma objectius qu’es ventes des vòstes empreses se hèsquen a trauès d’ua plataforma online. En aguest cas, s’artenherà un nivèu naut de digitalizacion quan mès se venerà de manèra online.

Per aguest motiu ei interessant veir quina digitalizacion ei era que preven es administracions publiques. Eth milhor indicador ei observar quines activitats o accions que servissen tà digitalizar se fomenten mejançant subvencions. Era mès populara e transversau ei eth Kit Digitau aufrida peth Ministèri d’Ahèrs economics e Transformacion digitau.

Aguesta ajuda a dus aspèctes: eth prumèr ei recuélher informacion sus er estat actuau deth teishut empresariau der Estat Espanhòu. Per aquerò, exòrten a hèr ua enquèsta de diagnostic sus era digitalizacion. Eth motiu de hèr aqueth qüestionari ei poder saber exactaments eth punt a on se tròbe era digitalizacion entà, a posteriori, poder préner decisions o fomentar es qüestions mens desvolopades. Eth dusau ei eth mès important. Consistís a aufrir ajudes economiques entà multiples solucions de digitalizacion. Te permet trigar en quin aspècte vòs invertir e desplegar.

Per açò madeish, se pòt díder qu’un nivèu de digitalizacion competenta s’artenh quan se possedís instruments digitaus. Non ei sonque possedir ua, senon quauqu’ues. D’un costat, cau disposar d’instruments que permeten eth trabalh digitau, coma ordenador, corrèu electronic, sistèma de seguretat, espaci de magazèm de dades, entre d’auti. D’un aute costat, tanben cau utilizar hilats sociaus o canaus multimèdia de comunicacion, canaus de venta online. Mès, ath delà, tanben impòrte auer programes que s’ocupen de generar informacion, per exemple, des ventes, des encomanes, des centres d’interès, etc.

NIVÈU NAUT DE DIGITALIZACION, NIVÈU EXCELLENT?

Un naut nivèu de digitalizacion serie aqueth a on toti es instruments son implementadi ena tua empresa e, ath delà, se genèren solucions digitaus. Maugrat aquerò, non vò díder que sigue eth nivèu optimau.

Eth nivèu optimau de digitalizacion s’artenh en foncion deth tipe de negòci. Ei a díder, s’era tua empresa se dedique ara informatica o as solucions digitaus, ei rasonable qu’eth nivèu excellent sigue eth mès elevat. Mès, s’era tua empresa aufrís servicis de husteria, ei possible que damb hilats sociaus, corrèu electronic, seguretat e programes que permeten hèr era comptabilitat, relacions damb clients e provedidors e genèren informacion, ja s’artenh un nivèu optimau.

Per açò madeish, era digitalizacion artenh toti e cadun des sectors deth teishut economic. Ara ben, non dera madeisha manèra ei de besonh implementar-la a totes es empreses e projèctes.

DIGITALIZA ER ENTORN RURAU

En mon rurau trobam ua fòrta diuersitat de projèctes economics. Eth mon rurau non ei sonque agricòla o pagés. Tanben i a empreses tecnologiques qu’aufrissen solucions innovadores.

Maugrat açò, cau èster realista e ei vertat que, comparativaments, eth sector mès important e arraïtzat ei eth sector primari. Era agricultura e era ramaderia son activitats de besonh e tada eres tanben i a digitalizacion. Es empreses agropecuàries pòden desvolopar e implementar sistèmes que permeten generar dades sus era produccion e es ventes. D’aguesta manèra e en tot crotzar-la damb informacion dera tèrra, era climatologia e es prètzi, pòden adaptar es sues activitats.

Mès, ath delà dera laurada, coma s’a comentat, i a d’autes activitats. Enes nòsti pòbles i a empreses tecnologiques qu’an agut fòrça succès. I a persones comprometudes damb eth territòri que mòstren com eth talent se pòt desvolopar en entorns non urbans. Aguestes empreses se pòden digitalizar. Mès, ei que, ath delà, i a empreses ruraus que son Agents Digitalizadors. Açò vò díder que s’encueden d’aufrir servicis a d’auti tà que digitalizen es sòns negòcis.

Açò mòstre eth potenciau qu’a eth sector economic rurau ath delà deth sector primari e es granes capacitats des persones des pòbles: persones formades, dambexperiénciae savoir-faire.

DIGITALIZA-TE

HèPic èm un ecosistèma d’agents que promò era innovacion en territòri rurau de montanha. Per aquerò madeish, se vòs hèr un diagnostic digitau dera tua empresa o as de besonh conselh sus com invertir, pòs contactar damb nosati.

En nòste ecosistèma i a empreses referentes en digitalizacion, son Agents Digitalizadors que te pòden ajudar a sollicitar ajuda Kit Digitau e a provedir-te de solucions digitalizadores. Per açò, pòs contactar damb nosati o vier tath nòste espaci de coworking a on t’ajudam damb es tues inquietuds.

Era innovacion apareish cada dia en molti aspèctes. Era innovacion, encara que non ac semble, apareish ena tua rotina entà cambiar-la. Innovar ei ua caracteristica des persones, ja que les permet desvolopar-se e créisher. Era innovacion ei era metodologia que permet era generacion de naues responses as rèptes actuaus, ei un instrument transformador damb era capacitat d’activar e potenciar er entorn.

E açò, com afècte ara tua rotina? Pòs pensar çò de contrari, mès era creativitat ei un procès innovador. Non hè referéncia ara forma, senon ath resultat. Quan ès apatic o apatica, quan vòs cambiar quauquarren, as eth contèxte perfècte entà sajar de cercar un cambi. Aguest procès imaginatiu non ei mès qu’ua forma de produsir innovacion.

Ei a díder, era innovacion ei tot aquerò nau, que non se hè en tòn contèxte. Non vò díder qu’ages de crear quauquarren completament nau, pòt èster bèra causa que se hèsque en un aute lòc.

Era innovacion se pòt dar en procès. Açò hè qu’era manèra d’obtier resultats sigue naua. Tanben pòt èster en resultat, qu’era tua produccion, sigue diferenta. Tanben pòt èster enes valors que perseguisses.

Ei important remercar qu’era innovacion non precise absolutaments de naues tecnologies, un banc en carrèr, coma ja coneishetz, pòt èster innovador. Eth motiu peth quau ei metut en aguest lòc, era manèra de produsí’c, es valors que preten representar, pòden perfèctaments èster innovadors.

COM GENERAR INNOVACION?

Era innovacion ac trauèsse tot, mès i a ambients que fomenten era innovacion. Entà començar, es persones èm curioses, mos agrade apréner. Cada ua a es sòns centres d’interès, vos pòt agradar eth mèdi ambient, era tecnologia o es relacions sociaus.

Per aquerò, cada persona, damb es sòns gusti, apren de diferentes tematiques e s’actualize enes sòns coneishements. Aguest ei eth prumèr pas entà produsir innovacion: conéisher bèra matèria, saber-ne.

Tanben ei important èster entornejat de persones. Òc, èster damb d’auti agents que pòden conéisher o non aguesta tematica. Non impòrte se son expèrts, se vien deth camp academic o qu’aprenen per epréner. Eth hèt de compartir temps e espaci damb ues autes persones permet auer un escambi d’idees: naues manères de veir es projèctes e es activitats.

Ei per aguest motiu que trabalhar en hilat e crear relacions damb persones de d’auti sectors ei ua caracteristica de besonh entà produsir innovacion. Ad açò se lo coneish coma networking. Ei a díder, trabalh en hilat.

NETWORKING: TRABALH EN HILAT

Relacionar-se damb persones, conéisher es sues ambicions, era sua experiéncia, eth sòn camp de trabalh ei eth bolhon de cultura perfècte entà auer idees innovadores e, ath delà, representar-les e materializar-les.

Eth networking lo pòs trobar en tòn burèu, en tòn lòc de trabalh. Se trabalhes en un lòc compartit, coma ei un coworking, trobaràs diferenti perfius professionaus damb fòrça inquietuds. Es relacions qu’establisses ath long dera tua jornada laborau son fòrça valuoses.

Mès non sonque pendent era jornada laborau se cree aguest contèxte propici. Çò d’important ven quan era jornada s’acabe. Un coworking, coma didíem, ei er espaci perfècte, ja que coneishes a naues persones e i a mobilitat. Dit de ua auta manèra, i a gent fòrça diuèrsa e que càmbie, çò que te permet conéisher a mès persones. Tot e atau, te permet establir relacions de camaraderia, e tanben d’amistat.

En espacis com eth coworking de HèPic, un espaci entà persones en territòris de montanha, trobam trabalhadors e trabalhadores que vien cada dia. Tanben i a persones que vien de visita, a conéisher lòcs coma Vaquèira e que van a trabalhar quauqui dies. Entre toti s’an establit relacions d’amistat, çò qu’a afectat fòrça positivaments ath temps de léser. Ei a díder, non sonque se trabalhe, tanben se hèn gessudes e se coneishen naui endrets. Concrètaments, s’an hèt gessudes entà Bossòst, Luishon e tanben excursions pes paisatges de montanha.

D’autes activitats entà generar aguest bon ambient de trabalh a estat era participacion en activitats culturaus: sessions de cinèma en Vielha, activitats culturaus ena Val d’Aran, etc. Tanben se compartissen moments coma anar a gustar era gastronomia aranesa e gaudir d’un minjar en comunitat.

Aguest ambient a permetut conéisher d’auti sectors laboraus e ajuda a afrontar naui rèptes en trabalh. Aguesti naui punts de vista an produsit resultats innovadors e damb un gran potenciau.

Per aquerò, entà fomentar era innovacion ei fòrça important trobar-te damb gent diuèrsa que pòt dar-te conselhs des de d’auti punts d’enguarda. Se vòs conéisher un ambient de trabalh orientat ara innovacion, pòs vier a visitar eth coworking de HèPic. Non ac dobtes, trobaràs gent de Vaquèira, de Vielha, de França, de Madrid, de Barcelona e de d’auti fòrça endrets dera geografia.