6 de setembre de 2022

DESCRIPCION DERA SITUACION: SÒ UN INCOMPRENUT

Ara empréner en miei rurau ei mès facil, ja non ès solet.

Pòrtes temps dant torns a ua idea. Sabes qu’a un gran potenciau. Per un costat, aguesta idea qu’as ei innovadora, arrés abans a pensat en hè’c. Tanben ei ua grana oportunitat. Va a dar responsa a besonhs des persones der entorn. Ei ua idea escalable, segur qu’en d’autes regions non i a arrés qu’ac hèsque coma tu ac as concebut.

En definitiva, aguesta idea ei era idea. Serà un cas d’exit. Mès penses que pòca gent compren çò que vòs hèr. Sages d’explicà’c, apòrtes donades, hès presentacions, mès non toti confien en aguesta idea. Aguesta sensacion l’an fòrça es persones emprenedores.

Tanben pòt èster que non sàpies per a on començar. Era idea existís, mès non aconseguisses organizar-te, non sabes quini passi cau seguir. Aguest desconeishement a viatges pòrte a ua pèrta de confidança en aguest gran projècte. Coma conseqüéncia, non arriesques, non auances. As de besonh ajuda.

Ei clar qu’eth emprendiment non ei un procès en solitari, ei de besonh un hilat de supòrt. Prumèr supòrt professionau qu’esclarisque es idees e de viabilitat ath projècte. Ei díder, se precise d’agents damb experiéncia que poguen corroborar eth potenciau deth projècte, qu’esclarisquen aspèctes deth contèxt, que faciliten punts de vista que confronten es nòstes idees. Segon supòrt professionau que compartir experiéncies e conselhs.

QUÉ PASSE DAMB ERA EMPRENEDORIA

Eth darrèr mes de hereuèr se publiquèc era enquèsta d’Activitat emprendedora en miei rurau, un estudi realizat peth RED GEM Espanha. En aguesta enquèsta participèc ua mòstra representativa dera poblacion espanhòla que persones qu’abiten en eth en ciutats e pòbles aportèren era sua experiéncia.

Aguesta enquèsta parle dera emprenedoria coma un procès compausat per tres etapes. Era prumèra d’eres ei er emprenement potenciau. Serie eth moment d’auer era idea, auer manifestat auer un projècte o auer volontat de crear un projècte. Era dusau ei er emprenement nau. Ac definissen coma empréner de facto, crear ua activitat naua e que peth moment non a superat es 3,5 ans. Ei a díder, es idees se van assolidant. Fin finau, era tresaua fasa ei eth emprenement assolidat. Son toti aqueri projèctes qu’an superat aguesti 3,5 ans.

Es donades revèlen coma sonque un 4,6% dera poblacion rurau entre 18 e 64 ans aueren iniciatiues empresariaus que non supèren es 3,5 ans. Deth temps qu’enes granes urbes i a mès emprenedoria, toti es enquestadi, de pòbles e de ciutat, se ven capacitats e damb es coneishements de besonh entà empréner. Non obstant, es persones des pòbles an ua percepcion baisha sus era existéncia de bones oportunitats entà empréner a sies mesi vista. E, ath delà, era pou ath fracàs arture a tres de cada cinc persones emprendedores.

En çò que tanh as diferéncies entre òmes e hemnes, en 2021, era madeisha enquèsta reflectís que i auec mès hemnes qu’empreneren que òmes. De totes formes, es ans precedents ad açò non siguec atau. Atau madeish, era emprenedoria assolidat ei mès participat per òmes que per hemnes tant en encastre rurau coma urban.

En conclusion, tant en mon rurau coma en urban es persones emprenen naui projèctes, non obstante, en mon rurau existís ua fauta de confidança. Per aguesta arrason s’a de besonh un hilat que refortilhe era emprenedoria en tot aportar confidança as persones emprenedores e que motive a contunhar damb es projèctes.

AUANTATGES D’EMPRÉNER

Empréner a es sues auantatges. En prumèr lòc, ei eth tòn projècte, ei quauquarren creat per tu damb eth tòn sagèth personau. Non i a major auantatge qu’era satisfaccion de contribuïr damb er entorn pròxim gràcies ath tòn esfòrç. Ei ua satisfaccion personau, inmensurable, mès era major ventatja.

En dusau lòc, tu mèrques es ritmes. Pòs dedicar-li eth temps que considères. Normauments, en estadi iniciau se dedique fòrça temps. Non desespères, ei completaments normau. En tresau lòc, pòs aportar tot çò que coneishes. Aguest ei un procès creatiu e eth tòn bagatge personau e professionau son es tues hònts d’inspiracion.

Finaument, empréner pòt èster ua solucion deuant ua manca d’oportunitats laboraus. Se non tròbes un mestièr que s’adapte as tues inquietuds e preferéncies, empréner ei ua solucion.

RÈPTES DERA EMPRENEDORIA

Empréner a de besonh esfòrç de temps e de sòs. Existissen documents a completar, estudis a realizar, formalitats que ramplir. Tot ei de besonh entà saber era viabilitat des idèes. Tanben a de besonh un finançament. Ei precís cercar ajudes, subvencions, mecenas, inversors, prèstecs e estauvis.

A viatges tanben as de besonh saber comunicar: era idèa ei bona, eth projècte a un gran potenciau, mès arrés s’interèsse. Ei important pensar com explicar çò qu’as ena cap. Es persones que non son emprendedores pòden èster agents de besonh en procès e entà compdar damb era sua collaboracion cau convéncer-les. Empréner requerís comunicar estrategicamente.

EMPRÉNER DAMB HÈPIC

Des de HèPic damb supòrt a totes es persones emprendedores innovadores. Èm conscienti des rèptes que vos trobatz ara ora d’amiar a tèrme un projècte. Deuant d’açò, vos prepausam desparièrs estruments.

En prumèr lòc, metem ara vòsta disposicion formacions especializades. Ei díder, portam professionaus entà que compartisquen es naues tecniques e mecanismes entà aportar innovacion ad aguesti projèctes emprendedors. Es tematiques depenen dera comunitat de persones empresàries de HèPic. Prumèr arremassam es besonhs e inquietuds des persones emprendedores e empresàries e dempús les abordam damb classes.

En dusau lòc, apostam pera mentoría individualizada. Totes es persones ètz benvengudes sense importar eth nivèu de maduresa deth vòste projècte. Es persones que se n’encueden de hèr es mentories pòden trabalhar damb tu ena generacion d’aguestes idèes innovadores, ena concrecion deth projècte, en desvolopament deth madeish e enquia escalar-lo se s’a ja materializat. Es mentories s’adapten completaments as expectatives des persones. Ei d’aguesta forma coma sajam redusir eth nivèu d’esfòrç que vos cau hèr entà arténher empréner.

En tresau lòc, quan coneishem es vòsti projèctes, cercam desparières ajudes entà que pogatz sollicitar sòs entà contunhar damb era vòsta inversion. Vos facilitam informacion de convocacions e requeriments.

Fin finau, aufrim un hilat de professionaus. Non as per que èster sonque #laguens deth procès. Çò de melhor ei rodejar-te damb persones qu’an emprenut entà atau compartir experiéncies, sensacions e conselhs. En fòrça casi ei reconfortant e motivante entà contunhar trebalhant. Non dobtes en contactar-mos se penses en empréner e nosati tractaram d’ajudar-te en tot aquerò qu’ages de besonh.

TORNAM TARA ESCÒLA: ETH COWORKING

Ja a arribat aguest moment der an a on tot s’oriente ath torn d’un objectiu: tornar entara escòla. Es vacances d’ostiu s’an acabat, es tardes ara fresca demoren postposades enquiar an que ven, encara que siguen eth rebrembe mès recent. Ara ei ora de tornar tara rotina. Mès, com passe damb es mès petiti, non ei tan facil repréner eth ritme de trabalh. Cau un periòde d’adaptacion, anar pòc a pòc.

Quan te n’anès de vacances aueres de coordinar quauqui projèctes, dar quauques directives a quauqui companhs o respóner a quauques telefonades e trobès un espaci coworking a on hè’c, ara ei semblant. Eth coworking ei eth tòn espaci a on repréner eth trabalh. Eth coworking ei eth tòn espaci entara tua tornada tà estudi.

Eth coworking de HèPic ei un espaci diafan e flexible en çò que tanh ar orari. Se te facilitarà ua clau damb qué i poiràs accedir en foncion des tòns besonhs. Per aguesta rason, poiràs anar tath tòn lòc de trabalh segons com t’organizes. Açò te permeterà alternar eth trabalh damb moments mès tranquils a on rebrembar es activitats de junhsèga e d’agost. Tanben pòs aumentar es ores de trabalh. Cada dia dedicaràs un shinhau mès de temps ara tua jornada professionau. Ací non i a contròl, tot depen de tu.

E com ena tornada tara escòla, es companhs càmbien. En coworking poiràs auer naui companhs de trabalh d’edats, perfius e inquietuds diferentes. Entre toti se forme un grop interdisciplinar de trabalh que pòt neurir es projèctes de cada ua des persones que l’intègren.

As eth tòn espaci de trabalh entà concentrar-te, mès non ès pas solet. Trabalhes amassa damb d’autes persones. S’ac as de besonh, pòs compdar damb eres. Era ajuda mutuau ei basica enes hilats de trabalh. Era ajuda mutuau ei ua des rasons d’existir des coworking. Ara fin, son espacis a on compartir lòc de trabalh e relacions professionaus intersectoriaus.

ETH COWORKING PENDENT ES VACANCES

Pendent er ostiu, eth coworking a estat un lòc ideau entà combinar es ahèrs professionaus damb es vacances, es amics e era familha. Cada setmana i auie gent naua que demanaue per espaci entà vier a trabalhar.

Provenenti de Madrid e Barcelona, sustot, aguestes persones auien perfius diuèrsi: professors universitaris, engenhaires aeroespaciaus, responsables de compdabilitat d’empreses, etc. Totes aguestes persones an podut compartir un moment e un lòc e açò a possibilitat un ambient de trabalh amicau e relaxat.

“Ara que sabem qu’existís aguest espaci, vieram mès soent”, “sense aguest espaci auessa auut de demorar en casa trabalhant mentre era familha ère de vacances e vier tara Val d’Aran mès tard”, comenten es persones qu’an estat per ací. Era sua experiéncia, entada eri ei fòrça agradiua, les a permetut trabalhar tranquillaments e conéisher er entorn. Ara fin, an sabut combinar tot tipe d’activitats.

ETH RÈPTE D’INNOVAR

Dilhèu, aguesta tornada tara escòla sigue mercada pera tua volontat d’empréner naui projèctes. Fòrça persones tròben en aguesti mesi naui objectius entà arténher: cambiar de trabalh, cambiar era ciutat peth pòble, empréner un negòci.

En mon rurau tot açò ei possible. S’eth tòn lòc de trabalh actuau t’ac permet, perque trabalhes a distància, pòs deishar aguesta ciutat entà trobar era Val d’Aran, un lòc agradable entà viuer-i. Er entorn damb es sòns abitants, era natura qu’entornege es pòbles, era aufèrta de léser, variada e dinamica de cada setmana e es espacis entà trabalhar, com eth coworking. Aguest pòt èster un lòc a on començar aguesta naua vida. I coneisheràs a d’auti trabalhadors que pòden introdusir-te ena vida locau, ath madeish temps que manties eth tòn trabalh.

De un aute costat, pòt èster era oportunitat entà empréner. As pensat en quauque projècte innovador? En un coworking pòs trobar un hilat de persones professionaus que te poiràn condar es rèptes actuaus deth territòri, es sòns punts de vista e es sues experiéncies coma professionaus emprenedors. Tanben te pòs deishar conselhar gràcies as programes gratuïts de mentoria de HèPic.

En Centre d’Innovacion Territoriau HèPic metem a disposicion de totes es persones dera nòsta comunitat formacion entà conéisher naues tecniques o visions de negòci. Tanben auem eth programa de mentoria, a on t’ajudam a auer idees naues, a assolidar eth projècte, a dar pincelades entà qu’era tua idea sigue competitiva e viabla o tà qu’eth tòn esperit empresariau sigue un exemple clar de succès. Mès, s’ès inversor, nosati te podem meter en contacte damb emprenedors locaus, damb dinamizadors deth territòri qu’amien a tèrme idees innovadores damb un gran potenciau.

UN COWORKING RURAU

Toti aguesti son es avantatges d’un coworking en aguestes dates: te da flexibilitat entà programar-te eth trabalh, ei ua manèra d’alongar era sensacion de vacances mentre t’incorpòres as tòns quehèrs. Tanben, se vòs hèr cambis ena tua vida, ei un factor a tier en compde. Facilite era possibilitat d’installar-se en entorns ruraus mentre manties eth tòn lòc de trabalh.

Aguesta tornada tà estudi pòt èster tanben eth moment d’empréner e trigar era Val d’Aran entà hèr-i negòcis. Se vòs desvolopar naui projèctes, pòs trobar a persones que t’expliquen eth contèxte e es sues experiéncies. Tanben te pòs assessorar gràcies as facilitats que t’aufrís HèPic.