QUÉ VÒ DÍDER INNOVAR?
Ja t’auràs encuedat qu’era innovacion ei pertot. Aquiu tà on vas i a innovacion. Ben, dilhèu aquerò que ves ei era paraula “INNOVACION”, en majuscules. Ac ves, ac lieges e, a viatges, non se compren bric. Mès, qué ei era innovacion?
Qu’un ajuntament installe un banc en un parc pòt èster quauquarren innovador, per exemple. Fòrça te dideràn qu’òc, perque enes pautes i a connectors entà cargar dispositius electronics e que, ath delà, emet senhau WiFi. Per contra, s’aguest mobiliari urban siguesse de husta poderie èster tanben innovador. Era installacion d’aguest banc en aguest lòc s’a hèt perque permeterà as persones d’edat que se sèiguen apròp dera gessuda dera ludotèca a on son es adolescents. Açò permeterà era integracion sociau e generacionau des ciutadans. Mès ei que, ath delà, es listrons entà montar er objècte an estat fabricadi a trauès d’un nau software tecnologic desvolopat per dues gojates dera region.
Era innovacion ei ua metodologia presenta en tòn dia a dia, en fòrça aspèctes e moments dera jornada. Ei un vector clau entà equilibrar e aufrir sostenibilitat as modèls productius territoriaus. Ei un motor de generacion de cambis.
Per aquerò, era innovacion ei era metodologia que permet era generacion de naues responses as rèptes actuaus, que sigue ua airina transformadora damb era capacitat d’activar e potenciar er entorn e méter en valor es multiples actius qu’a.
Ei díder, innovar ei un aspècte essenciau deth desvolopament uman e un element clau entath creishement responsable des territòris.
INNOVACION TECNOLOGICA
Per un costat, se pòt innovar en producte, ei a díder, cambiar eth resultat deth trabalh. Tanben se pòt innovar en procès mejançant era modificacion de tot eth desvolopament e produccion e atau èster mès eficaç. Per exemple, se parlam de servicis, era formacion que receben es persones trabalhadores o es valors qu’eri assimilen, ei innovar. Mès era manèra d’organizar es procèssi, es persones, es recorsi, pòt èster innovador. Ei çò que se coneish coma innovacion organizacionau.
D’aguesta manèra, era innovacion ei era incorporacion de dinamiques e utisi tecnologics, coma poderie èster era WiFi en un banc o eth software qu’a dessenhat es listrons. Mès tanben ei incorporar aspèctes socioeconomics e formatius naui. Non a d’èster pas ua innovacion radicau, un cambi significatiu, pòt èster innovacion incrementau. Consistís en crear quauquarren nau, un matís, a compdar de çò que ja existís.
INNOVACION D’IDEES
E qué ei nau? Entà respóner s’a de conéisher eth contèxte deth tòn lòc. En tot èster coneishedor d’açò, nau ei tot çò que non existís ací. Pòt èster qu’existisque dehòra deth tòn entorn o que non existisque en cap de lòc. Mès eth hèt de reprodusir casi de succès de d’auti lòcs ei innovador.
D’aguesta manèra, era innovacion se convertís en un instrument transformador damb era capacitat d’activar e potenciar un entorn e, ath delà, méter en valor es multiples actius qu’a. Ara fin, ei era milhor manèra qu’a eth mon rurau entà hèr front as rèptes actuaus.
ERA INNOVACION EN MIEI RURAU
Actuauments i a problematiques qu’afècten a toti es entorns, ja siguen urbans com ruraus, com ei eth cambi climatic o es desigualtats. Es problèmes son construccions sociaus, perque en foncion des valors o çò que s’identifique coma causa, se vòlen solucionar d’ua manèra o de ua auta. De ua auta manèra, es pòbles se tròben en un procès de pèrta de poblacion constanta, çò que repercutís ena qualitat e quantitat des servicis. Açò ei era despoblacion, ua problematica qu’afècte a fòrça qüestions quotidianes. E quan se prepausen es responses ad aguesti problèmes globaus, non s’an en compde.
Ei deuant d’aguesta circonstància qu’era innovacion se convertís en un aspècte clau entath mon rurau: assegure eth creishement deth mon rurau. Ei eth metòde entà conéisher e respectar era esséncia e es particularitats deth territòri e tanben hè front as rèptes generaus.
Eth foment dera innovacion ei ua tendéncia estenuda enes politiques publiques e ena iniciativa privada. Per exemple, i a diuèrsi ministèris que publiquen convocatòries d’ajudes que valoren era innovacion des projèctes. Concrèeaments, eth Ministèri d’Indústria, Comèrç e Torisme destine ua part entà subvencionar projèctes innovadors qu’estimulen eth comèrç en zònes ruraus. E de manèra pariona, eth Ministèri entara Transicion Ecologica e eth Rèpte Demografic barrèc era convocatòria d’ajudes entà projèctes innovadors.
GENERAR INNOVACION
Ua des milhors manères de produsir idees innovadores ei compartir espacis damb d’autes persones. Escambiar manères d’abordar e veir es situacions. Per açò, entà generar innovacion se fomenten es instruments que genèren trabalh en hilat e collaboracions. Per exemple, es espacis de coworking o es jornades de networking.
En HèPic proposam tecniques e instruments entà produsir aguestes idees innovadores:
- Formacion especializada
- Mentoria e assesoria
- Espaci coworking
- Hilat de persones innovadores
Ara que ja sabes qué ei era innovacion, la concebies atau? As projèctes innovadors en ment? Se vòs conéisher mès sus era innovacion non dobtes en contactar-mos e cambiar idèes.
