Eth passat dijaus 7 d’abriu auec lòc ena Sala de Justícia der Ajuntament de Morella (Castelló) la presentacion deth projècte deth Centre d’Innovacion Territoriau de Castelhon. Eth coordinacior tecnic de HèPIC a assistit ad aguest eveniment entà explicar eth nòste foncionament e estrategies.
Aguest acte organizat pera Diptuació de Castelló, a coma objectiu da a conéisher coma es zònes ruraus se pòden organizar e integrar enes naues dinamiques economiques a trauès dera innovacion e era emprenedoria. Seguint aguesta linha, s’a anonciat era creacion d’un centre enes comarques de Els Ports e er Alt Maestrat. Eth propòsit d’aguesti centres d’innovacion rurau ei promòïr era activitat economica e crear iniciatives innovadores dauant es rèptes actuaus de manèra responsable damb eth territòri.
Entre es assistents i ère eth secretari generau entath Rèpte Demografic, eth baile de Morella, eth President dera Diputació de Castelló, eth deputat provinciau de Desvolopament Rurau, eth director adjunt dera Agència Valenciana contra era Despoblacion e eth coordinador tecnic deth Conselh Generau d’Aran, Guilhèm Piris Casasnovas, que s’a encuedat de presentar HèPIC. Pendent era sua exposicion a destacat era importància dera collaboracion entre es agents publics, privats e deth tresau sector entà poder bastir un hilat de trabalh conjunt. Hèt, que permeterà crear sinergies e intercambi d’ideès entà realizar projèctes o resòlver inquietuds.
Damb era participacion en aguest tipe d’actes, HèPIC se consolide coma un exemple d’iniciatives innovadores en entorn rurau. Mès a mès, s’apòste pes collaboracions damb d’auti centres d’innovacion entà trebalhar amassa en un marc globau. Boya a anonciat que “ei er inici d’un camin que mos permeterà auer uns motors de desvolopament en mèdi rurau, que que formen part d’un gran hilat damb capacitat de generar intelligéncia territoriau, creant un ecosistèma en quau sigue possible retier eth talent, ajuntant as empreses e persones emprenedores que volguen actuar en territòri”.
Aguesta conferéncia permetèc da a conéisher HèPIC coma exemple deprojècte entath desvolopament des territòris ruraus e balhar ua solucion as problematiques actuau mejançant era innovacion. Un projècte sorgit dera ciutadania e tara ciutadania, en tot qu’ei un centre ath que s’i pòt contactar tà descorbir eth nòste foncionament o ben se ès ua persona innovadora que vò auançar damb es sues idèes, pòs enviar un corrèu ara direccion infohepic@aran.org.
